Irailaren 14tik 18ra Getxoko Folk Jaialdiaren 38. edizioa izango da. Aurten, kontzertu handien proposamenean emakumeen protagonismoa nabarmendu behar da eta, besteak beste, Tanxugueiras, Enredadas (Uxía, Martirio, Carmen Paris eta Ugia Pedreira biltzen dituena) eta María Arnal i Marcel Bagés taldeek eta artistek jardungo dira. Jaialdiak 15 saio hartuko ditu guztira eta horietako 10 Algortako Portu Zaharrean izango dira, aire zabaleko eskaintza berreskuratuko dela. Ordainezko kontzertuak, iaz bezala, Muxikebarri zentroan egingo dira eta sarrerak salgai jarriko dira abuztuaren 1etik aurrera.

Gaur izandako aurkezpenean, Irantzu Uriarte Kultur Etxeko presidenteak nabarmendu du ‘jaialdiak normaltasunera bueltatzeak markatutako ibilbide berri bati ekingo diola, eta horrek aukera emango duela ekitaldi honetan kanpoko espazioak berreskuratzeko '. Era berean, aurtengo kalitatezko eskaintza anitza azpimarratu du eta mota guztietako ikusleei irekitako emanaldiak izango direla .

Kontzertu nagusietan (Muxikebarri, 20:00), jaialdiak folkera beste soinu batzuetatik hurbiltzea du helburu, artista belaunaldi berrien aldeko apustua eginez. Xabier Payak, Kultura Etxeko Zuzendariak, folkaren transmisioan emakumearen rolak duen garrantzia azpimarratu du, aurtengo edizioan bistaratu nahi den bezala, eta ‘egunero Muxikebarriko agertokian emakume bat izango da’.

Horrela, 15ean Tanxugueiras arituko da, Eurovisionerako hautagai den ahots hirukote ospetsuak, Galiziako sustraiko soinuak trap edo musika elektronikoa bezalako egungo erritmo eta joerekin uztartuz berrikuntza eta abangoardia irudikatzen dituenak. Hurrengo egunean, hilak 16, ostirala, jaialdiak Enredadas proiektua hartuko du, tradiziozko herri-generoak beste estilo batzuekin uztartu dituzten lau artista handik osatutako taldea: Uxía, Martirio, Carmen Paris eta Ugia Pedreira. Getxon 'Coplas e alalás' ikuskizuna aurkeztuko dute, Sérgio Tannus eta Marcos Teiraren gitarrek lagunduta, genero eta estilo ezberdinak batzeko

Larunbatean, hilaren 17an, Muxikebarrik Maria Arnal i Marcel Bagés bikote katalanaren saioa hartuko du. Bikote azken urteotan musikaren panoramaren errebelazio handienetako bat bihurtu da. Ciutat de Barcelona Musika Saria, bere bigarren EPrekin, Verbena, Rockdelux aldizkariko Single Nazional Onena aukeratua eta Urteko Obra Artistikoa Time Out aldizkariko irakurleen arabera, Badalonako (Bartzelona) abeslariak eta Flixeko (Tarragona) gitarristak herri musikaren transmisio-katearekin jarraitzen dute ahalik eta modurik onenean: bere abesti propioak sortuz, zeinak penintsula iberiarra grabazioen erreskate-proiektuan barneratzen diren. Getxon ‘Clamor’ bere bigarren albumeko kantuak aurkeztuko dizkigute David Soler gitarra-jotzaileak lagunduta.

Algortako Portu Zaharreko saioak 18:00etan eta 23:00etan izango dira. Azken horietan, jaialdiak jai-giroa sustatzeko asmoa du Gozategi (hilaren 16an) eta Buhos (17an) taldeen eskutik. Gozategiren kasuan, gainera, euskal bandak bere 30. urteurrena ospatuko du. Halaber, ez dira faltako familientzako kontzertuak ere, 17 eta 18an eguerdiko 12:00etan izango direnak. Getxo Folk jaialdiaren proposamen musikala ‘Nor da Maurizia’ hezkuntza proiektu honekin osatuko da, Getxoko Musika Eskolarekin elkarlanean garatua eta bertako ikastetxeetako ikasleei musika hurbilduko diena.

Kartela

Aurtengo Getxo Folken kartela Ane Pikazak egin du. Ilustratzaile, artista eta aktore berak azaldu duenez, bere obran jaialdiaren hurrengo edizioaren nortasuna islatzen saiatu da, ‘emakumearen begirada islatuz eta baita itsasoari begiratuz ere '.