Arropa errezago aukeratu daizuen look batzuk aurkeztuko deutsuedaz. Guztiok lan bardina ez dekogunez, look desbardinak aurkezten deutsuedaz zeinetan osogarri desberdinak erabiliz formalak zein arruntagoak izan daitekezan.

Kolore neutroak zuritik hasita, krema eta gris argietaraino doazan koloreak nabarmentzen dira aukeratu dodazan looketan, horreek argitasuna eta epeltasuna emoten dabe. Primeran konbinatu daikeguz kolore basikoakaz, hau da, baltza, urdin, grisa eta zuriagaz.

Beroki lez trencha oso egokia da, eta berton, iparraldean asko erabiltzen dogu.

Puntuzko konjuntoak “chic”enak dira udaberri honetan. Hori dala eta, artile-koloreko hiru piezetako konjuntoa eta soinekoa gomendatzen deutsuedaz epeltasuna emoteko.  

Bomber eta beltz koloreko kargu prakek osotutako konjunto satinatua zuriagaz konbinaturik, mugikortasuna eta lasaitasuna emoten deusku.

Artile-koloreko trencha edozein lookagaz erabili daiteke, zuriagaz alaitasuna eta argitasuna emongo deusku, kamel koloreko osogarriek soila dala iruditzea eragingo dabe.

Txalekoa, arropa arrrunta dana, liraintasuna eta ukitu sofistikatua emoten deutsa “outfit”ari.

Udaberrirako ezinbeztekoa dan beste jantzi bat kapusaia da, trench estilokoa aukeratu dot baina gris kolorean, aurten joerazkoa dan kolorea dalako baita oso errez konbinatu daitekelako be.

Azkenik, jeans-ak alkandora eta gorbatagaz konbinaturiko oso erabilgarria dan looka aurkezten deutsuet.

Udaberri egun honeetan zuen lanerako looka errezago aukeratu daizuen espero dot.

http://www.anaelias.com/blog/blog/Noticias/noticia/n/144