Monzon kazetaria, zinema-kritikaria eta zinema-zuzendaria da. Orain arte zazpi film egin ditu, eta horietako lehena, ‘El corazón del guerrero’, edizio honetan proiektatuko da. Bestalde, García aktore leondarra da jaiotzez, baina euskalduna adopzioz, eta, besteak beste, gizonezko aktore berri onenaren Goya saria jaso zuen, ‘Justino, un asesino de la tercera edad’ filmagatik.

Alice Lowek jasoko du fantasiazko Izar Saria, eta genero horretako emakume ezagunenetakoa da. Bere film luze berriena “Timestalker” da, Sitgeseko Zinemaldian estreinatua. Hala ere, jende askok ezagutzen du Black Mirror eta Darkplace telesailetan egindako lanagatik.

Ohi denez, jaialdiaren egoitzak Campos Eliseos Antzokia, Azkuna Zentroa - Golem Alhóndiga zinemak eta BBK Aretoa izango dira.