IDartek berriki onartu du bere plan estrategiko berria, herritarrei diseinuaren mundua hurbiltzea dakarrena. Ildo horretatik, ikasturte honetan hainbat ekimenetan parte hartu du, hala nola Visual Sariak, Arabako Merkataritza Ganberak sustatuak. Horrez gain,  Boulevard Merkataritza Zentroko Gabonetako dekorazioaren diseinuan parte hartu zuten bere ikasleek.

Erakundeak lankidetza sustatu du, halaber, diseinuaren munduan profesional ospetsu gisa dagoeneko finkatuta dauden ikasle ohiekin, besteak beste Jon Gorospe artista bisualarekin. Gainera, Bilboko San Pio X plazako tuneleko instalazio batean parte hartu zuten ikasle batzuek, Bilbao Bizkaia Design Week 2021 delakoaren esparruan. Ekimenaren helburua zen "hiri bateko puntu beltzak" zeharkatzean pertsona askok bizi dituzten sentsazioak tunelaren erabiltzaileei erakustea.

IDarteren hezkuntza-eskaintza arautuaren osagarri, IDaste hitzaldi-zikloa ere egin da ikasturte honetan; bideo-jokoak ekoizteko teknika berriak erakutsi dizkiete ikasleei ekimen horren bidez.