Fran Lasuen biolinistak eta Jose Luis Canal piano-jotzaileak etenaldia egin dute beren bakarkako ibilbideetan, elkarrekin proiektu hau bultatzeko. Biolinak, pianoak eta ahotsak biltzen dituzte Lasuenen konposizioak, musika hutsa protagonista duen proposamen interesgarrian.

Batzuetan, bi musikari bikain presarik gabe eta merkatuaren exijentzietatik urrun lan egiteko elkartzen direnean, 'Gauzak' bezalako proposamen zintzo eta zinezkoak sortzen dira, Fran Lasuenen eta Jose Luis Canalen proiektua. Pieza gozoz osatutako errepertorioa sortu dute biek, pasarte instrumentalak 'saudade' eta 'chanson' frantziarra gogora dakartzaten beste batzuekin nahasten dituzten konposizioak. Hori guztia lau eskuz, gustu eta sentikortasun handiz interpretatua.

 

"Ez geneukan inolako presarik, horregatik lehendabizi jotzen hastea erabaki genuen, abestiak grabatzeaz pentsatu gabe", dio Lasuenek, Oskorriko kide ohi eta erregistro anitzeko konpositoreak. Canal taldekidea ere eskarmentu handiko musikaria da, bai laguntzaile gisa (Kepa Junkera eta El Consorcio) eta bai zenbait jazz proiektutan.

 

Lasuenek eta Canalek korrontez kontrako minutu musikalak proposatzen dituzte, presarik gabe eta soseguz entzuteko. Beraiek sortu dituzten bezalaxe.