Txema auzoko mutil ona da. Denek maite dute. Hori gutxi balitz, orain loteria tokatu zaio, 6 milioi euro, alajaina! Eta diru guztia kausa on batean laguntzeko ematea erabaki du. Txemaren lagunak nazkatuta daude hainbeste filantropiaz eta besteengan hainbeste pentsatzeaz, eta dirua beste plan batzuetarako erabili nahi dute…

Saria duen loteria txartel bat, bi ergel gutxienez, ia-ia amodiozko triangelu bat eta lapur­tzeko eskubidea duten lau lagun… A zer poza!

Hona hemen egoera larri, aldrebes eta bihurriz jositako komedia bat. Ikusleak ikuskizunaren partaide izango dira, eta garrantzi gutxiko lapur talde honen ibilbideari jarraituko diote.

+ INFO
2014an, Pabilioi 6 ikerketa-laborategiaren lehen edizioaren barruan, Tornado konpainia eratu zen, barre eragiteko helburu serioarekin. Pablo Ibarluzearen gidaritzapean, liskar horietan aditua baita, eta Patricia Urrutia, Aitor Fernandino, Ion Zumelaga eta Pako Revueltas ordezkariekin, “Godot” sortu zuen; Beckett-en klasikoaren oso bertsio berezia izan zen, eta ikusleek eta kritikariek ondo baino hobeto hartu zuten.
Ibarluzea, nazioartean esperientzia zabala baitu, clowna izan zen Cirque Du Soleil delakoaren Dralion ikuskizunean eta YINdeYAN Teatro fundatu zuen; hor, nazioarteko ikastaroak ematen ditu, non 15 nazionalitate baino gehiagoko ikasleek parte hartzen duten. Gainera, Dxusturi Teatroaren “Cirque de Légume” eta “Konpota”, Anodino Teatroaren “Zerura eroria” eta “Mr. Pichichi” (Euskadiko kale-ikuskizun onenarentzako saria Leioako 2016ko Umore Azokan) zuzendu ditu, besteak beste.
Bere lehen areto-produkzio horren arrakastaren ostean, konpainia site specific batekin itzuli da. Proposamen horretan, ekintzak funtzio bakoitzaren espazio zehatzera egokitzen dira, eta, beraz, emanaldi bakoitza berdingabea da. Gainera, jokalari-zerrenda bikaina da.