Datorren otsailaren 22an inauguratuko d Eibarko Antzerki Jardunaldien 45. edizioa, 2022eko apirilaren 1ra arte iraungo dena. Iaz bezala, Covid-19k sortutako pandemiaren egungo egoera dela eta, funtzio guztiak Coliseo Antzokian eskainiko dira.

Aurtengo edizioak 200.000 euro inguruko aurrekontua du eta Eibarko Udaletxean aurkeztu zuten  Jon Iraola alkateak, Patxi Lejardi kultura zinegotziak, Andoni Iturbe Eusko Jaurlaritzako Kultura sailburuordeak, Maria Jose Telleria Gipuzkoako Foru Aldundiko Kultura zuzendariak eta Narruzko Zezen antzerki taldeko ordezkariek.

Jardunaldiaren hasierako hitzaldiak ospe handiko profesionalak bilduko ditu aurten. Ramón Barea eta Mikel Losada antzerkigileak Coliseo Antzokiko eszenatokira igoko dira otsailaren 22an, 19:00etan, aurkezle lanetan arituko den Irene Hernando eibartarrarekin batera. “El veneno del teatro” izenpean, aktoreek elkarrekin hitz egingo dute, irakasle eta ikasle, maisu eta ikastun gisa, eta antzerkigintzan zuzendari eta aktore gisa hainbeste urtetan izan dituzten harremanei buruz.

Hitzalditik bi egunera, hau da, otsailaren 24an, "Magallanes eta Elkano" antzezlana aurkeztuko da, sorkuntza kolektiboko nazioarteko tragikomedia, Pedro Diogo eta Nuria Cuadrado aktoreak protagonista dituena. Ikuskizuna 19:00etan hasiko da. Antolatzaileen hitzetan, lan honek "hainbat kulturen elkarbizitza, kode eta hizkuntza globalak eta duela urte batzuk toki ezezagunetara egindako bidaietatik geratu zaigun identitate-herentzia aztertzen ditu".

Euskarazko antzerkia

"Lehendakari gaia" izango da edizio honetako beste proposamen handietako bat, Txalo Produkzioak-en eskutik, eta Begoña Bilbao Lejarzegiren zuzendaritzapean. Ramón Madalularen komedia, euskaraz eskainiko dena, otsailaren 28an eta martxoaren 2an, 19:00etan aurkeztuko da. Bertan, Iker Galartza eta Zuhaitz Gurrutxaga aktoreak hartuko dute parte.

Aurtengo edizioan ikusi ahal izango diren gainerako lanak honako hauek dira:  El viaje a ninguna parte (tragikomedia Fernando Fernán Gómezren nobela egokitzen duen tragikomedia), Teatro Fernán Gómez eta Teatro Arriagaren eskutik; La verdadera historia de la muerte de Francisco Franco (Laura Ortegak zuzendutako tragikomedia); Zintzilik (musikala euskaraz), Zintzilik Teatroa elkarte gipuztarrak zuzenduta; Lof ladies on fight (dantza ikuskizuna), Eva Guerrerok zuzenduta; Ama (Marie de Jongh Teatroa elkartearen tragikomedia), Jokin Oregi zuzenduta; Tarara (tragikomedia), Hika Teatroaren eskutik; Golfa (sexualitateari buruzko komedia), Jose Padillaren eskutik; Ícaro (musikala), el violinista rebelde-ren eskutik, La panadera (drama), Producciones Iriak egindakoa; Celestina infernal (helduentzako txotxongilo ikuskizuna) Fernando Rojasen liburuan oinarrituta; Una noche con ella (komedia), Loles León aktoreak protagonista bezala; Aquiles, un kaleko ikuskizuna LA FAM Teatrearen eskutik; Semea pixka bat motelago dabil soilik (tragikomedia euskaraz), Tanttaka Teatroak produzitutakoa; Fake Trampantojo (tragikomedia) Erre Produkzioak egindakoa; Burdina/Hierrro, (dantza ikuskizuna), Adriana Bilbao y Beñat Achiary-ak sortuta; Cómicas (komedia), Valeria Ros, Sil de Castro y Sara Escuderoren eskutik; Los secuestradores del lago Chiemsee (komedia), Alberto Iglesias-ek idatzita, Conversaciones, iaz hildako Rosa Martínez-Alcocer aktore eibartarrari omenaldi-kolokioa;  Don Gil de Olmedo es sueño (komedia klasikoa), Lagartolagarto y Zazurzca konpainiak egindakoa; eta, bukatzeko, El parke del crepúskulo (tragikomedia) Paul Austerren Sunset Park eleberrian inspiratuta.

Bestalde, Lekim Animazioak antzerki jardunaldien berri emango du Eibarko kaleetan otsailaren 5ean, 6an eta 7an arratsaldez.

Aldez aurreko salmena Coliseo Antzokian

Halaber, sarrerak emanaldi bakoitza baino ordubete lehenago erosi ahal izango dira Coliseo Antzokiko leihatilan bertan.