ARTE ESZENIKOAK
Testua: Kmon

48 JORNADAS DE TEATRO DE EIBAR ANTZERKI JARDUNALDIAK
JORNADAS DE TEATRO EIBAR ANTZERKI JARDUNALDIAK
Eibarko Antzerki Jardunaldien 48. edizioa aurkeztu dute
2025-03-11
2025eko Antzerki Jardunaldiak otsailaren 25ean hasi, eta apirilaren 11n amaituko dira. Coliseoan, Hezkuntza Esparruan eta baita kalean ere, hogei konpainia baino gehiagoren lanak ikusi ahal izango dira Euskadiko erreferentzia kulturala den ekimen honetan.

Otsailaren 25ean hasiko da Eibarko Antzerki Jardunaldi arrakastatsuen 48. edizioa, eta apirilaren 11n emango zaio amaiera.  Jardunaldiak programa zabal batekin itzuliko dira Coliseo antzokira eta Hezkuntza Esparrura (lehengo Unibertsitate Laborala). Azken edizioan ia 8.000 lagun inguru bildu ziren; ondorioz, bete egin zen antolatzaileek ezarritako helburua, eta berriz ere frogatu zen kultur hitzordu honek Eibarko herriarentzat duen garrantzia.

Edizio berria gaur, hilak 28, aurkeztu dute Jon Iraola alkateak, Andoni Zabala Kulturako zinegotziak, Mari Jose Tellería Gipuzkoako Foru Aldundiko  Kulturako zuzendariak eta Ana López Asensio Eusko Jaurlaritzako Kultura Saileko Kultura Sustapeneko eta Kultura eta Sormen Industrietako zuzendariak.

Jardunaldien inaugurazio-ekitaldian berriz ere izen handiko profesionalak izango ditugu. Otsailaren 25ean, 19.00etan, Toni Acostak eta Juan Carlos Rubiok hitz egingo dute Coliseo antzokian, eta Irene Hernando aktore eibartarrak egingo du aurkezpena. Antzerkiak egoera desberdinetara egokitzeko duen gaitasunari buruzkoa izango da solasaldia, eta "Harremanak" titulua izango du.

Otsailaren 26an eta 28an, 19:00etan, Una madre de película komediaz gozatzeko aukera egongo da. Obraren protagonista Toni Acosta  da, eta Juan Carlos Rubio zuzendaria.

Chek-out (zirkoa), Anacelia Álvarez eta Adrián Conderen zuzendaritzapean, martxoaren 2an izango da, eta La loca historia del Siglo de Oro (zirkua), Javier Uriartek zuzendua, martxoaren 6an. Martxoaren 7an, Ni flores, ni funeral, ni cenizas, ni tantán obra antzeztuko da (tragikomedia), María Goiricelayak zuzendua. Martxoaren 9an eta 10ean bi lan ikusi ahal izango dira euskaraz: Heisenberg, Ramón Agirre eta Naiara Arnerorekin, Hezkuntza Esparruan, eta Miñan, Coliseo antzokian.

Eva Isanta, Toni Acosta, Ángel Martín eta Zuhaitz Gurrutxaga dira Coliseotik igaroko diren aktore nabarmenetako batzuk, eta seguru une ahaztezinak utziko dituztela.

Martxoan zehar programazio zabala egongo da: Iribarne (komedia bufoa), Hoy no estrenamos (komedia), Moko, Indalecio Bizkarrondo “Bilintx” (haurrentzako antzerkia euskaraz), Renata (komedia euskaraz), Hona (dantza), Las que gritan (komedia Eva Isantaren emanaldiarekin), Lutinier, Futbolistoc (bakarrizketa Zuhaitz Gurrutxagarekin), 14.4 (drama), Filtro (antzerki dokumentala), Nuevo Material (bakarrizketa) eta La maldad, o los raticos oscuros de Shakespeare (komedia musikala).

Jardunaldiak apirilean amaituko dira, lau antzezlan hauekin: Los lunes al sol (tragikomedia), Mujeres, teatro a la carta (drama), Zorretan (tragikomedia euskaraz) eta Los reyes católicos, Colón y otras historias (tragikomedia). Era berean, martxoaren 5ean 35 urte eszenara begira dokumentala ikus ahal izango da, eta martxoaren 27an “Antzerkia zineman/El teatro en el cine” sailean laburmetraiak ikusi ahal izango dira.

Guztira 22 konpainia igaroko dira 2025eko Antzerki Jardunaldietatik: 25 emanaldi izango dira, haietatik 8 euskaraz. Gainera, obra bat kalean antzeztuko da.

Lekim Animazioak konpainia arduratuko da Eibarko kaleetan Antzerki Jardunaldien zabalkundea egiteaz, ostiral arratsaldean, larunbatean eta igandean. Aurtengo kartela Naiara Sarasketa eibartarrak diseinatu du.

Jon Iraola alkateak kultur hitzordu honek herriarentzat duen garrantzia azpimarratu du; horrez gain, kulturarekiko konpromisoaren erakusle ere badela adierazi du. “Beti esaten dudan bezala, Eibar, beste behin ere, benetako oasi bihurtuko da kulturarentzat. Horren aldeko apustu sendoa egiten jarraituko dugu, gure ustez kultura gure hiria eraldatzeko eta batzeko motorra baita. Guztion eskubidea izateaz gain, aberastasun pertsonalerako eta kolektiborako iturria ere bada, gure hirian desberdintasuna markatzen jarraitzen duena.”


Segur aski asko interesatuko zaizu...
JORNADAS DE TEATRO EIBAR ANTZERKI JARDUNALDIAK
EIBAR
JORNADAS DE TEATRO EIBAR ANTZERKI JARDUNALDIAK
Maitasuna, amatasuna eta zaintza oholtza gainean jartzen dituen tragikomedia da 'Zorr... (gehiago irakurri)
AMOREBIETA-ETXANO ELORRIO EIBAR HERNANI
JORNADAS DE TEATRO EIBAR ANTZERKI JARDUNALDIAK
EIBAR
JORNADAS DE TEATRO EIBAR ANTZERKI JARDUNALDIAK
'Los lunes al sol' (Fernando León de Aranoa) XXI. mendeko Espainiako zinemako film on... (gehiago irakurri)
BILBAO EIBAR
JORNADAS DE TEATRO EIBAR ANTZERKI JARDUNALDIAK
EIBAR
JORNADAS DE TEATRO EIBAR ANTZERKI JARDUNALDIAK
EIBAR
JORNADAS DE TEATRO EIBAR ANTZERKI JARDUNALDIAK
EIBAR DONOSTIA-SAN SEBASTIÁN BILBAO BARA...
Kmon emanaldien egutegia
Gastronomia
Bidaiak
© Gestor de contenidos Gestor de contenidos HagaClic





Kmon

Licencia de Creative Commons
Lan hau Crative-Commons-en Aitortu-Ez Komertziala-Lan Eratorririk Gabe Nazioartekoa 4.0 delako baimen pean lago