Yerai Cortés alacantarra hainbat antzoki eta agertokitan aritu da, hogeitaka urte baditu ere. Aitak transmititu zion musikaren pozoia, eta orain bera da, txaloz eta koruz lagunduta, bere arima flamenkoa erakusten duena eta buleriaren eta beste 'palo' batzuen apostolu gisa diharduena.

Yerai Cortés (gitarra), María Reyes, Triana Maciel, Nerea Domínguez, Elena Ollero, Salomé Ramírez, Macarena Campos (palmak eta koruak)

Yerai Cortés (Alacant, 1995) flamenkoaren mugetatik haratago doa. Flamenkoa lurralde aztoragarri eta kitzikagarrietara eramaten ari diren artisten belaunaldi berri horretakoa da. Gaztea izan arren, ibilbide oparoa egin du, eta hainbat generotako artistekin lan egin du: flamenkoaren berritzaile eta urratzaileekin (Rocio Molina eta Niño de Elche) eta hainbat latitudeetako musikariekin (Judeline, Ralphie Choo, Lola Índigo eta C. Tangana), besteak beste. Paco de Luciaren omenezko Legacy jaialdian New Yorken parte hartu ondoren, Guitarra coral ikuskizunarekin, Yerai Cortesek flamenkoaren mugak infinituraino eta haratago zabaltzea lortuko du.