‘Barre librea’ telebista saioan murgildu zen Maria Blanco zestoarra bakarrizketen munduan, eta ordutik, hainbat txokotan aritzen da jendeari barrea eragiten. Mariak, bakarrizketa bat baino askoz gehiago eskeintzen du. Ikuskizun bizia, arina eta trebea. Depilazioa,ginekologia, ligatzeko zailtasunak,… izango dira jorratuko dituen gaiak, bere esperientzia pertsonalean oinarritua. Kutsu feminista duen ikuskizun honek ordubeteko iraupena du eta bertan publikoa parte hartzera animatzen du.