Oharra:

Gonbidapenak emanaldiaren bezperako 16:00etatik aurrera eskuratu ahal izango dira webgunean (ekitaldi honen fitxan automatikoki azalduko den erreserbatzeko botoiaren bidez) eta kultur etxeetan (Loiolan izan ezik). 4 gonbidapen gehienez pertsona bakoitzeko.

John Patrick Wayne cowboy loti eta abeslariak Ovidio poeta eta bidaiariaren istorioa kontatuko du. Oraingo honetan, munduari buelta eman eta gero, Ovidiok edonora edota inora joateko trena hartu nahi du. Baina Kontrolatzailearen burugogorkeriari aurre egin beharko dio, honek ez baitio txartelik saltzen. Kontrolatzailearetzat soilik A puntu batetik B puntu batetara bidaiatu daiteke, eta hortik ateratzen dena ez da ongi etorria bere tren geltokian. Gauzak horrela, gure bidaiariak hainbat trikimailu asmatu beharko ditu Kontrolatzailea engainatzeko.

Azkenean, Ovididiok besteak ulertu eta errespetatzeko duen gaitasuna izango da istorio honi konponbidea emango diona. Eta, bide batez, adiskidetasun berri bat sortuko duena.

Adina: + 3 urte.

Informazio gehiago: Firulete Teatroa