Jone San Martinek honela azaltzen du Gor Gorra lana eta baita lan horren inguruan eskaiko duen entsegu irekia: "Publikoarekin topaketa proposatzen dut dantzaren bakarkako faseak partekatzeko: gorra/ sorda/ taub/ deaf/ sourde, momentu honetan sortzen ari naizena eta 2025ean kaleratuko den lana. Solo bat sortzeak ?berez edo definizioz? praktika bakartia dakar eta Victoria Eugenia Club aretoan publikoarekin topaketa honek, bidaia horretan lagundua sentitzeko aukera emango dit, ahultasuna eta hauskortasuna presente utziz. Interpretearen eta ikusleen artean egon ohi den distantzia hori ezabatuz, intimitatean sormen-prozesua partekatuz. Gorreriaren gaia dantzatik jorratuko dut, sendatzeko botere propioa duen hizkuntza unibertsal gisa, modu zehatzenean adierazteko, esateko edo aurrez egiteko zaila izaten zaiguna adieraztea".

Oharra

Sarrera doakoa da. Gonbidapenak eskuragarri egongo dira abenduaren 10ean 11:30etatik aurrera, webgunean (ekitaldi honen fitxan automatikoki azalduko den erreserbatzeko botoiaren bidez) eta Victoria Eugenia Antzokiko leihatilan. Bi gonbidapen gehienez pertsona bakoitzeko.