Nube Sandoval eta Bernardo Rey sortzaile kolonbiarrek arte eszenikoak dituzte gizarte transformazioan jarduteko tresna gisa. Kolektibo zaurgarriekin lan egin ohi dute; hala, Geneva eta Erroma hirietan etorkin taldeekin, Kolonbiako Bake Prozesuan? orain, kogui indigenekin lan berezi bat ari dira prestatzen. Ekitaldi honetan, arte eszenikoen bidez nola eragiten duten, prozesu berezi hauek nola gauzatu dituzten eta euren lan metodologiei buruz ariko dira.

Oharra

Sarrera doakoa da. Gonbidapenak eskuragarri egongo dira azaroaren 11ko 11:30etatik aurrera, webgunean (ekitaldi honen fitxan automatikoki azalduko den erreserbatzeko botoiaren bidez) eta Victoria Eugenia Antzokiko leihatilan, edukiera bete arte. Bi sarrera gehienez pertsona bakoitzeko.