Histrion Teatro antzerki hutsaren arimari bizirik eusten dioten horietako konpainia bat da, antzezle on batzuek testu on batetik ateratzen duten emozioaz elikatzen den antzerkia. 'El amor de Don Perlimplin...' bezalako ekoizpenak zaleen gogoan daude oraindik ere, taldea antzerki garaikidearen molde eta estetikara berriz eraman zuten 'Traicion' eta 'Los corderos' lanekin batera. 'Juana la Loca, la Reina que no quiso reinar' ikuskizunean,  Jesus Carazo idazleak Felipe Ederraren zorigaitzeko emazte Gaztelako Joana. 1.aren gatibualdiaz sortutako testu bikaina eszenaratu du.

Gema Matarranz aktorea gaur egungo pertsonaia bailitzan moldatutako protagonistaren azalean sartzen da. "Orain ari naizen bezala hitz egiten du berak", azaldu du antzezleak. Lengoaiarekin batera, bizi duen egoera pertsonalak pertsonaia hurbila bilakatzen du. "Antzerki-lanak beraiek bizi izandako egoerak gogora dakarzkiela esan didate ikusle askok", gehitu du.

Bi antzezle on eta testu on bat XVI. mendera bidaiatu eta unibertsalak diren sentimenduak partekatzeko.