Dantza, zirkua eta akrobaziak bezalako genero desberdinetatik etorritako artistek bat egin zuten 2008an Vaivén Circo sortzeko. Konpainiak 'zirku garaikidearen' mugak gainditu ditu berriro ere. 'Do not disturb' izeneko bere hirugarren muntaketa sormenez betetako ikuskizun harrigarria da, teknika horiek guztiak gauza bera balira bezala uztartzen dituena.

Raquel Pretelek, Miguel Morenok, Chema Martinek eta Emilio Lopezek, Vaivén-eko lau kideek, XX. mende hasierako alegiazko lantegi batera eramango dituzte ikusleak. Lantegia zinema mutuaren klasiko handiak gogorarazten dituen estetikaz hornituta dago, eta ikuskizunak protagonistek egunez egun gainditu beharreko abentura txikiak islatzen ditu, edozein egun gris ere miragarria izan daitekeela frogatuz.

'Do not disturb' aukera ona da eszenatoki gainean zeozer desberdinez gozatu nahi duen edozein ikuslerentzat.